هل نسينا اننا مسلمين؟؟؟؟؟؟؟؟؟!!!!!!!!!!!!

من طرف **walking tall** الإثنين فبراير 09, 2009 5:19 am

بعد كل اللي شفناه في افغانستان

العراق

فلسطين

لبنان

الدور علي مين الله اعلم
بس انا متاكد ان الناس نسيت اننا دولة اسلامية

دا ميعنيش اننا لوحدنا ماشيين وخلاص مسلمين وكده
انما اسلامنا دا يحتم علينا اننا ننصر اخواتنا المسلمين في كل مكان

بس المشكلة
انا بنيت كلامي علي اننا عايشين كدولة اسلامية
للاسف الناس نسيت اننا مسلمين والدليل كل اللي احنا شايفينه
اللي بيحصل في كل بلاد الاسلام اللي بتغتصب دي مش من حاجة الا من تخاذلنا تجاه الدين ومراعاة تعاليمه

كل واحد دلوقتي بيتفرج عللي بيحصل في غزة ولبنان وبيكمل اكله عادي ولا كان الناس دي مش تبعنا ولا كانهم اخواتنا ولا مسلمين زينا وللاسف يقولك يا عم حول مش ناقصة وجع دماغ

لا طبعا دا ميصحش لان زي ما بيحصل دا مننا دلوقتي
هييجي اليوم ويحصل فينا الكلام ده ومحدش هيعبرنا ولا هيبصلنا

ايوه يا جماعة
اذا كان المسلمين تهاونو في حق اخواتهم فخلاص يبقي علي الدنيا السلام لان الدور هييجي علي كل واحد فينا ومحدش هينصر حد

اهم حاجة نفتكر دايما ان الاسلام دعانا للوحدة والتعاون قدام اي حد ييجي يتعرض لاي حد فينا
وان واجبنا ننصر اخواننا باي طريقة من الطرق
زي ما شفنا دلوقتي بدات مصر تبعت سيارات اسعاف ومعونات للشعب الفلسطيني
بس انا شايف ان مش دا بس كفاية
الصح اننا نتمسك بديننا كويس اوي
ونرجع لربنا ونشوف احنا مقصرين في ايه

واظن كلنا فاكرين الاخ شارون واللي كان بيعمله في الناس
ولما المسلمين كلهم اتحدو مع بعض ووجهو الدعوة باخلاص ان ربنا يهده
شفناه اهه لا عايش ولا ميت ومتعلق كده ولا عمره هينفع

ربنا مبيسيبش حد بس لما الحد ده يعمل اللي عليه هنلاقي احلي نتيجة وربنا هيساعدنا نتخطي اي مشكلة وربنا ينصر اخواننا في كل مكان ان شاء الله

من طرف **Not Alone** الإثنين فبراير 09, 2009 11:32 am

ربنا مبيسيبش حد بس لما الحد ده يعمل اللي عليه هنلاقي احلي نتيجة وربنا هيساعدنا نتخطي اي مشكلة وربنا ينصر اخواننا في كل مكان ان شاء الله

انت كده قلت الخلاااااصه

يسلم كلامك ورأيك

ويارب يقدرنا اننا نكون مسلمين بجد

من طرف **walking tall** الثلاثاء فبراير 10, 2009 3:29 am

يا رب يصلح الحال ويرجعلنا اسلامنا عالي خفاق والناس تخاف منه اكتر واكتر ويشل كل اللي بيكيدوله يا رب

هل نسينا اننا مسلمين؟؟؟؟؟؟؟؟؟!!!!!!!!!!!!

هل نسينا اننا مسلمين؟؟؟؟؟؟؟؟؟!!!!!!!!!!!!

رد: هل نسينا اننا مسلمين؟؟؟؟؟؟؟؟؟!!!!!!!!!!!!

رد: هل نسينا اننا مسلمين؟؟؟؟؟؟؟؟؟!!!!!!!!!!!!